Ana səhifə Toplum |
21:22
Bərdədə 3 nəfərin ölümü, bir neçə nəfərin yaralanması ilə nəticələnən ağır yol qəzası baş verib.
Report xəbər verir ki, hadisə rayonun Kətəlparaq kəndində qeydə alınıb.
Qəza VAZ-2106 markalı avtomobillə "Mersedes"in toqquşması nəticəsində baş verib. Hadisə zamanı "Jiquli" bir neçə dəfə fırlanaraq aşıb. Bu səbəbdən ölənlərin məhz "Jiquli"dəki sürücü və sərnişinlərdən olduğu ehtimal edilir. Yaralılar Bərdə Rayon Mərkəzi Xəstəxanasına yerləşdirilib.
***
Bərdədə baş verən yol qəzası nəticəsində ölən və yaralananların adları məlum olub.
Qəza nəticəsində Bərdə sakinləri – 20 yaşlı Kərimov Təbriz Nadir oğlu, 18 yaşlı Abdullayev Rahib Knyaz oğlu və 19 yaşlı Yəhyayev Orxan Rəhbər oğlu ölüb. Onların hamısı VAZ-2106 markalı minik avtomobilində olublar.
Qəza zamanı "Mersedes"də olan Ağdam sakinləri - 1973-cü il təvəllüdlü sürücü Behbud Rəhimov, onun 1981-ci il təvəllüdlü həyat yoldaşı Gülnar Rəhimov və onların 2004-cü il təvəllüdlü övladı Fərid Rəhimov yaralanıb.
Tarix
2017.03.22 / 22:30
|
Müəllif
Axar.az
|