Ana səhifə Toplum |
Gədəbəy rayonunun Novoivanovka kəndində vətəndaşa məxsus ev yanıb.
Report-un məlumatına görə, hadisə axşam saatlarında baş verib.
Kənd sakini Paşayeva Nazifə İmamverdi qızına məxsus 3 otaqdan ibarət fərdi yaşayış evində baş vermiş yanğın nəticəsində evin bir otağı yanıb. Kənd sakinlərin köməyi yanğının digər otaqlara keçməsinin qarşısı alınıb və yanğın onlar tərəfindən söndürülüb.
İlkin məlumata görə, yanğına səbəb elektirik sayğacında yaranmış qısaqapanma olub. Hadisə nəticəsində xəsarət alan olmayıb.
Fövqəladə Hallar Nazirliyinin (FHN) Gədəbəy rayon Yanğından Mühafizə Hissəsindən verilən məlumata görə, yanğının baş verdiyi saatda hadisə yerindən hər hansı çağırış olmadığından əraziyə yanğınsöndürən maşın göndərilməyib.
Faktla bağlı araşdırma aparılır.
Tarix
2017.03.23 / 21:00
|
Müəllif
Axar.az
|