Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) mütəxəssisləri aprelin 25-də Cəbrayıl rayonunun Cocuq Mərcanlı kəndində gün ərzində 1344 qəlpə, 122 millimetrlik “Ş-1” top mərmisinin döyüş başlığı (DTM-75) və bir piyada əleyhinə “OZM-72” minası aşkar edərək zərərsizləşdirilməsi üçün götürüblər. Ümumilikdə 37 min 682 kvadratmetr ərazi yoxlanılıb.

ANAMA-dan Axar.az-a bildiriblər ki, 67 gün ərzində agentlik tərəfindən Cəbrayıl rayonunun Cocuq Mərcanlı kəndində 151 evə və yeni avtomobil yolunun keçəcəyi əraziyə baxış olub. Otuz partlamamış hərbi sursat aşkar olunaraq zərərsizləşdirilib. Ümumilikdə 2 milyon 274 min 401 kvadratmetr ərazi yoxlanılıb.

Ərazinin mina və partlamamış hərbi sursatlardan təmizlənməsi əməliyyatı davam etdirilir.

Agentlik tərəfindən yanvarın 1-dən aprelin 25-dək 5135 partlamamış hərbi sursat, tank əleyhinə 108 mina və piyada əleyhinə 11 mina aşkar olunaraq zərərsizləşdirilib. Cəmi 2 milyon 333 min 165 kvadratmetr ərazi yoxlanılıb.