Ana səhifə Toplum |
Əməyin mühafizəsi ilə bağlı tələblərə əməl olunmasına, eyni zamanda əməyin mühafizəsi üzrə xidmətin yaradılmasına biganə münasibət istehsal qəzalarına səbəb olur.
Axar.az xəbər verir ki, bu sözləri Dövlət Əmək Müfəttişliyi Xidmətinin rəisi Fuad Əlizadə 28 Aprel - Ümumdünya Əməyin Mühafizəsi günü ilə əlaqədar keçirilən tədbir zamanı deyib. O bildirib ki, bu qəzalar həm də ciddi maliyyə itkisinə səbəb olur:
“Statistikaya əsasən, hər il dünyada istehsalat qəzaları nəticəsində təxminən 2,34 milyon adam ölür, 160 milyondan çox adam peşə xəstəliyinə məruz qalır. Bu isə dünya üzrə ÜDM-in 4%-nin, yaxud 2,8 trln. ABŞ dollarının itirilməsinə səbəb olur”.
Qeyd edək ki, cari ilin ilk rübündə Dövlət Əmək Müfəttişliyi Xidməti tərəfindən ölkəmizdə istehsalatla əlaqəli 31 bədbəxt hadisə qeydiyyata alınıb. Bu bədbəxt hadisələrdə 10 nəfər ölüb, 24 nəfər xəsarət alıb.
Tarix
2017.04.27 / 17:17
|
Müəllif
Axar.az
|