Azərbaycan Hüquq İslahatları Mərkəzi İctimai Birliyinin üzvü, tanınmış vəkil Aqil Layıcov paytaxtda fırıldaqçılıqla məşğul olan qrupun əməlinin üstünü açıb.

Axar.az xəbər verir ki, o, vətəndaşları aldadaraq onlardan pul alan şəxslərin əməlləri haqda Feysbukda məlumat yayaraq, hər kəsi diqqətli olmağa çağırıb:

“Təzə dələduzlar peyda olub. Yaxınlaşırlar və türkcə danışıb, özlərini türk kimi təqdim edərək, yolda qaldıqlarını, əgər mümkündürsə, maşınla onları ünvana çatdırmanızı xahiş edirlər (bilirlər ki, əgər belə şey olsa, kimsə bunu etməyəcək, əksinə pul verəcək) və ünvana çatmaq üçün pulları olmamasından dolayı pul istəyirlər. Yeni fırıldaqdır, qəti uymayın”.