Ana səhifə Toplum |
Bakıya heç vaxt gəlməyənlərə bura səfər etməyi məsləhət görürəm. Azərbaycan və Bakı heyranedicidir.
Report-un məlumatına görə, bunu Formula-1-in sabiq sədri Berni Ekklstoun Bakı Şəhər Halqasının (BŞH) rəsmi Feysbuk səhifəsində təşkil olunan canlı müsahibə zamanı deyib.
87 yaşlı funksioner BŞH-nın özəlliklərinə də toxunub: “İnsanlar şəhər treklərini çox sevirlər. Çünki özlərini maşınlara yaxın hiss edirlər”.
B.Ekklstoun “Nəvəniz Formula-1 pilotu olmaq istəsə, ona nə deyərdiniz” sualına belə cavab verib: “Deyərdim ki, o qədər axmaq olma, həvəsin keçəcək”.
Qeyd edək ki, Berni Ekklstoun Formula-1-ə 1974-cü ildən 2017-ci ilin əvvəlinə qədər rəhbərlik edib. Məhz britaniyalı yarışları kommersiya baxımından ildə 2 milyard dollardan çox gəlir gətirən uğurlu layihə edib.
Tarix
2017.06.24 / 16:59
|
Müəllif
Axar.az
|