Ana səhifə Toplum |
Bakıda «Evim» ticarət mərkəzində «Femida» türk şirkətinin istehsal etdiyi xalçaların satışı ciddi narazılıq yaradıb.
Axar.az xəbər verir ki, xalçalarda Azərbaycan bayrağı təsvirinin əks olunması suallar yaradıb. Çünki sözügedən xalçaların əsasən ayaq altına salınmaq üçün istifadə edildiyini nəzərə alsaq, bu, dövlət atributunun təhqir olunması kimi hüquqi məsuliyyət də yaradır.
Mağazanın adminstratoru olduğunu deyən və adının açıqlanmasını istəməyən xanım isə bu informasiyanı təxribat adlandırdı. Onun sözlərinə görə, xalçalar divar üçün nəzərdə tutulub və onun ayaqaltı olduğunu iddia edənlər ticarət mərkəzinin imicinə zərbə vurmaq istəyirlər.
Maraqlıdır ki, xalçanın istifadə qaydalarında (foto əlavə edilir) onun üzərinə tökülən ləkənin necə yuyulması əksini tapıb. Divardan asılmaq üçün nəzərdə tutulan xalçanın üzərinə maye ləkənin tökülməsi isə bir qədər mübahisəlidir.
Üstəlik, xalçanın formasının da ayaqaltı istifadə üçün nəzərdə tutulan döşənəklərdən fərqlənməməsi, divara asılması üçün ilgəklərin olmaması sosial şəbəkə istifadəçilərinin narahatlığına müəyyən əsas olduğunu təsdiqləyir.
Tarix
2017.06.26 / 15:16
|
Müəllif
Rəfiqə Əlisəfa
|