Ana səhifə Toplum |
Prezident İlham Əliyevin sərəncamı ilə daha bir yol təmir edilib.
Azəravtoyol ASC-dən Axar.az-a verilən məlumata görə, sərəncama əsasən Bərdə rayonunda 12 min nəfər əhalinin yaşadığı 17 yaşayış məntəqəsini birləşdirən Yenidaşkənd – Umudalılar avtomobil yolu tam təmir edilib. İşlər yekunlaşmaq üzrədir.
Yolun ümumi eni 10 metrə çatdırılıb. Ümumilikdə yola 2 qat olmaqla 10 sm qalınlığında 150 min m2 yeni asfalt-beton örtüyü döşənib.
Layihə çərçivəsində əkin sahələrinin suvarılması üçün 2 yerdə 1000 mm diametrində ümumi uzunluğu 12 metr olan dəmir-beton borular və ümumi uzunluqları 360 m olan 30 ədəd dəmir suötürücü borular quraşdırılıb.
Qeyd edək ki, Bərdə rayonu Yenidaşkənd – Umudalılar avtomobil yolunun tikintisi ilə vətəndaşlarının gediş-gəlişi xeyli rahatlaşacaq, yük və sərnişin daşıması asanlaşacaq.
Tarix
2017.07.18 / 12:34
|
Müəllif
Nigar İxtiyarqızı
|