Ana səhifə Toplum |
Xəstəxanaya yerləşdirilməyimin səbəbi kabinetimdə mənə hücum zamanı xəsarət almağımla əlaqədar deyildi. Bülletenə çıxmışdım və hazırda özümü çox yaxşı hiss edirəm. Sabahdan yenidən işimin başında olacağam.
Bu sözləri Axar.az-a açıqlamasında Azərişıq ASC Cəlilabad Elektrik Şəbəkəsinin işdən çıxarıldığı deyilən rəisi Aydın Məmmədov deyib. Onun sözlərinə görə, artıq xəstəxanada deyil:
“Xəstəxanada deyiləm. Hazırda evdəyəm, işdən çıxarılmağımla bağlı deyilənlər yalandır”.
A.Məmmədov bir müddət öncə ona kabinetində hücum edən borclu şəxslərin həbs edildiyini bildirib:
“Kabinetimdə mənə hücum edən şəxslər həbs edilib”.
Qeyd edək ki, bir müddət öncə Azərişıq ASC-nin Cəlilabad Elektrik Satışı İdarəsinin rəisi 57 yaşlı Aydın Məmədov kabinetində vətəndaşlar tərəfindən döyülmüşdü. O, Axar.az-a açıqlamasında borca görə işığı kəsilən iki şəxsin kabinetinə gələrək ona hücum etdiklərini bildirmişdi.
Tarix
2017.07.18 / 12:54
|
Müəllif
Nigar İxtiyarqızı
|