Ana səhifə Toplum |
Aprelin 25-də "Yeni Müsavat"ın reportyoru Fərahim İlqaroğlunun yaşadığı evin qarşısında döyülməsi barədə KİV-də məlumatlar yayılıb.
Mediaya jurnalisti döyən Feyruz Termişinin də həbs olunması barədə məlumat verilib. Sonradan yayılan xəbərlərdə bildirilirdi ki, jurnalistin döyülməsini sifariş edən "K-1" idmançısı Tural Bayramov da həbs edilib.
Publika.az Tural Bayramovun həbsi ilə bağlı ilginc məlumat əldə edib. Belə ki, Tural Bayramov, deyildiyi kimi, heç də həbsdə deyil. "K-1"-çi Tailandda keçiriləcək "World Max Final" yarışına hazırlaşır. Döyüş iyul ayının 26-da Tailandın cənub-şərqindəki kurort şəhəri Pattayada keçiriləcək. Bu barədə idmançının qardaşı sosial şəbəkədə yazıb və şəkillər paylaşıb. Tural Bayramovun qardaşı dostlarına yarışın tarixi barədə də məlumat verib.
Bundan əlavə, o, qardaşının baş tutmuş döyüşlərindən birinin də
videosunu paylaşıb. Ən əsası isə iki qardaşın məşq zamanı çəkilmiş
şəkilləri də dünən sosial şəbəkədə paylaşılıb. Yarışla bağlı
afişalar da artıq hazırdır. İdmançının qardaşı afişaların da
fotosunu sosial şəbəkəyə yerləşdirib. Afişalardan aydın görünür ki,
Tural Bayramov iyunun 26-da həqiqətən də döyüşə çıxacaq. Onun
rəqibi 72 kq-da döyüşən ispan idmançı Maksimo Suaresdir.
Məsələ ilə bağlı idmançının qardaşının münasibətini öyrənmək istədik. Sosial şəbəkələrdə daim aktiv olan idmançı və onun qardaşına göndərdiyimiz suallar cavabsız qaldı. Baxmayaraq ki, onların yazılan mesajları oxuduqları görünürdü.
Tarix
2014.06.02 / 17:35
|
Müəllif
Axar.az
|