"Qarant Holdinq"in İdarə Heyətinin sədri Anar Məmmədov dünyaca məşhur olan Milli Coğrafiya (National Geographic) Cəmiyyətinin nəzdində fəaliyyət göstərən Beynəlxalq Məsləhətçilər Şurasına (The International Council of Advisors) üzvü seçilib.

Bu barədə Milli Coğrafiya Cəmiyyətinin rəsmi məlumatında bildirilir.

Qeyd edək ki, Beynəlxalq Məsləhətçilər Şurası 2013-cü ilin yanvarında yaradılıb.

Şura Milli Coğrafiya Cəmiyyətinin 125 illik tarixində ən mühüm və uğurlu könüllü rəhbərlər qrupudur.

Şuranın Milli Coğrafiya Cəmiyyətinin 125 illiyi ərəfəsində yaradılmasının məqsədi insanları planetin qayğısına qalmaq üçün ruhlandırmaq naminə xeyriyyə fəaliyyəti ilə fərqlənən təsisçilər arasından 60 üzvün aşkarlanması və müəyyənləşdirilməsindən ibarət olub.

Xatırladaq ki, Milli Coğrafiya Cəmiyyəti 1888-ci ildə təsis olunub. Dünyaca məşhur "National Geogprahic" jurnalı məhz Milli Coğrafiya Cəmiyyəti tərəfindən buraxılır. Bir müddət əvvəl "Qarant Media Holdinq" və Milli Coğrafiya Cəmiyyəti arasında imzalanmış sazişə əsasən, tezliklə "National Geogprahic" jurnalı ölkəmizdə, Azərbaycan dilində dərc olunacaq.