Hər gün yediyimiz çörək minik avtomobilinin yük yerində natəmiz vəziyyətdə daşınır. Avtomobil hərəkətdə olduğu zamanı isə yolda olan toz-torpaq birbaşa çörəyə hopur. Sonradan isə çox güman ki, belə vəziyyətdə olan çörək market və mağazalara satılır. Vətəndaşlar isə bu çörəkdən alıb istifadə edirlər.

Axar.az xəbər verir ki, kadrlar paytaxtın Binəqdi rayonu Biləcəri qəsəbəsindəki yolda bir sürücü tərəfindən çəkilərək Xəzər xəbər-in Votsap nömrəsinə göndərilib.10 KB 453 dövlət qeydiyyat nömrəli avtomobilin sürücüsü qaydalara əməl etmədən çörək daşıyır.

Hüquqşünaslar isə bildirir ki, belə vəziyyətdə sürücü həm yeyinti məhsullarının daşınması zamanı sanitar-gigiyena, həm də yükdaşıma qaydalarını pozur..Yükdaşıma qaydalarına görə, sürücü 40 manat miqdarında, sanitar-gigiyena qaydalarını pozamağa görə isə fiziki şəxslər 50-100, vəzifəli şəxslər 100-200, hüquqi şəxələr isə 200-400 manat miqdarında cərimə olunurlar.