Xəzər dənizində hələ də nərə balığının qanunsuz ovlanması davam edir.

Axar.az xəbər verir ki, bunu TASS agentliyinə müsahibəsində Həştərxan vilayətinin qubernatoru Aleksandr Jilin söyləyib.

“Brakonyerlik 90-cı illərdə daha güclü idi. O zaman qanunsuz nərə balığı ovu leqal həcmin 90%-ni təşkil edirdi. Bu gün Həştərxanda yerli brakonyerlər artıq yoxdur. Hazırda qanunsuz nərə balığı ovu daha çox qonşu ölkələrin nümayəndələri tərəfindən aparılır. Onlar nərəni daha çox Qazaxıstan, Türkmənistan və Rusiyanın ərazi sularında ovlayırlar. Doğrudur, əslində bunu həyata keçirən “xidmətçiləri” tutsaq da, onların sahibləri hələlik sahildə otururlar. Xəzər dənizindəki nərəni Amur pələngi kimi qorumaq lazımdır. 10 il əvvəl heç kim inanmırdı ki, nərənin çoxalmasını bərpa etmək olmaz, amma artıq bununla bağlı müsbət nəticələr əldə olunub”, – deyə o bildirib.