Bağçalarda uşaqların vahid forma ilə təmin edilməsi dayandırılıb.

Axar.az-a xəbər verir ki, bu barədə Bakı Şəhər İcra Hakimiyyətinin Məktəbəqədər Təhsil Müəssisələri və Uşaq Evləri İdarəsindən Modern.az-ın sorğusuna cavab olaraq bildirilib. İdarədən verilən məlumata görə, vahid bağça formasının verilməməsinə səbəb yaranmış iqtisadi çətinliklərdir:

“Bu təşəbbüs hörmətli merimiz Hacıbala Abutalıbov tərəfindən irəli sürülüb. Hazırda müəyyən iqtisadi çətinliklər səbəbindən bağçalara forma verilmir. Amma ümid edirik, vahid formanın tətbiqi tezliklə bərpa olunacaq”.

Qeyd edək ki, 2014-cü ildə Bakıdakı dövlət bağçalarına vahid geyim tətbiq edilmişdi.