Ana səhifə Toplum |
Prezident yanında Qeyri-Hökumət Təşilatlarına Dövlət Dəstəyi Şurasının maliyyə dəstəyi ilə “Yeni sosial-iqtisadi çağırışlar fonunda yerli özünüidarəetmə orqanlarının (bələdiyyələr) fəaliyyətinə ictimai nəzarətin gücləndirilməsi tədbirlərinin təşkili” layihəsinin çərçivəsində Qubada “Şəffaf və hesabatlı özünüidarəetmə güclü yerli icma, güclü Azərbaycan deməkdir” devizi altında dəyirmi masa keçirilib.
Axar.az xəbər verir ki, tədbirin keçirilməsində məqsəd postneft dövründə Azərbaycanın yerli özünüidarəetmə orqanlarının fəaliyyətinin daha mütərəqqi formada təşkili və onların fəaliyyətində effektivliyin artırılması üçün hesabatlılıq, ictimai nəzarət amilinin əhəmiyyətini bir daha gündəmə gətirməkdir.
Tədbiri giriş sözü ilə açan iqtisadçı ekspert Rəşad Həsənov ölkə üzrə mövcud vəziyyət, bələdiyyələrin hesabatlılığı, qanunvericiliyin tələbləri, vətəndaşların, icma nümayəndələrinin, vətəndaş cəmiyyəti institutlarının prosesdə iştirakçılığı imkanları, bu sahədə beynəlxalq təcrübə, yeni, mütərəqqi mexanizmlərin formalaşdırılması kimi məsələləri əhatə edən geniş təqdimatla çıxış edib.
Bələdiyyə nümayəndələri əksər qurumların rəsmi veb səhifələrinin təşkil edilməməsində əsas problemin maliyyə çatışmazlığı olduğunu dilə gətirərək yerli vergilərin toplanmasına ciddi problemlərin olması və bu problemlərin həlli mexanizmlərinin zəif inkişaf etdiyini bildiriblər.
R.Həsənov müzakirələr zamanı səsləndirilən təkliflərin İSİM tərəfindən hazırlanancaq təkliflər paketinə əlavə ediləcəyini qeyd edib.
Tarix
2017.10.21 / 14:07
|
Müəllif
Aygün Yusibova
|