Ana səhifə Toplum |
Sumqayıtda yaşayan ailənin başına qəribə hadisə gəlib.
Axar.az Xəzər xəbər-ə istinadən bildirir ki, Nüsrət Novruzov adlı vətəndaşın xarici pasportunun şəkli İnstaqramda bir səhifə tərəfindən paylaşılaraq lağa qoyulub. Səbəb isə onun atasının adının Malagedən olmasıdır.
Ata adının Malagedən olması Sumqayıt sakini Nüsrət Novruzovun və ailə üzvlərinin sosial şəbəkədə təhqir olunması ilə nəticələnib.
Bəzi istifadəçilər Malagedən adını məsxərəyə qoyublar.
Ailə üzvləri tərəfindən səhifə adminindən şəklin silinməsi tələb edilsə də, buna məhəl qoyan olmayıb. Bəziləri isə ailənin erməni olduğunu iddia edib.
Hazırda Rusiyada olan Nüsrət Novruzov təhqirə yol verənlərin qanun müstəvisində cavab verəcəklərini bildirib.
Məsələ ilə bağlı hüquq-mühafizə orqanlarına müraciət edilib. Ekspert Xəyal Bəşirov deyir ki, ölkəmizdə hər bir vətəndaşın şərəf və ləyaqəti qanunla qorunur. Kiminsə şəklinin lağa qoylması təhqirdir. Ona görə də şəkli paylaşan səhifə idarəçiləri, eləcə də şəkilə təhqiramiz şərhlər yazanlar haqqında sərt tədbirlər görülməlidir.
Zərərçəkənlər məsələnin həlli üçün məhkəməyə müraciət etməlidirlər.
Tarix
2017.10.28 / 23:24
|
Müəllif
Axar.az
|