Ana səhifə Toplum |
17:49
Bazar günü Gürcüstanın Batumi şəhərinin Qara dəniz sahillərində Azərbaycan və Ukraynadan olan iki turist deltaplanla dənizə düşüb.
Report xəbər verir ki, bu barədə Gürcüstanın Fövqəladə Halların İdarə Olunması Agentliyinin mətbuat xidmətinə istinadən "İpress" məlumat yayıb.
Hadisə nəticəsində xəsarət alan olmayıb.
"Uçan aparat havaya qalxmaq cəhdlərindən dərhal sonra dənizə düşüb. Xilasedicilər yedək qurğu vasitəsi ilə aparatı və onda olan iki turisti tapa biliblər", - idarənin məlumatında bildirilib.
Qeyd olunur ki, aparat dənizə 15 metr hündürlükdən Batumi yaxt-klubu yaxınlığında düşüb.
***
Gürcüstanın Batumi şəhərində Qara dənizə düşən deltaplanla Ukrayna və İran vətəndaşları uçub.
Trend-in verdiyi məlumata əsasən, bunu Gürcüstan DİN-in Fövqəladə Halların idarə olunması Agentliyinin mətbuat xidməti bildirib.
Daha öncə deltaplanla Azərbaycan və Ukrayna vətəndaşlarının uçduğu bildirilirdi.
"Aparat 15 metr yüksəkliyindən Batumi yaxt-klubunun sahilinin yaxınlığında düşüb. Hadisə bu günün ikinci yarısında baş verib", - deyə məlumatda bildirilir.
Hadisənin rəsmi səbəbi hələlik məlum deyil.
Tarix
2017.11.05 / 19:52
|
Müəllif
Axar.az
|