Nazirliyin keçirdiyi reyd zamanı qanunsuz yolla əldə edilmiş meşə materialları aşkar edib.

Ekologiya və Təbii Sərvətlər Nazirliyindən Axar.az-a verilən məlumata görə, Oğuz, İsmayıllı, Qəbələ rayonlarında reydlər keçirilib. Reydlər zamanı saxlanılan yük avtomobillərinə baxış zamanı qanunsuz yolla əldə edilmiş palıd, fıstıq, vələs, qovaq cinsli meşə materiallarının aparıldığı aşkar edilib.

Bundan başqa, Göyçay rayon bazarında qanunsuz meşə materialının satıldığı, Göyçay şəhəri yeşik sexində qanunsuz yolla əldə olunmuş meşə materialları müəyyən edilib.

Faktlarla bağlı təqsirkarlar barəsində akt və protokollar tərtib edilib, qanunsuz yolla əldə edilmiş meşə materialları maddi sübut kimi saxlanılıb. Təqsirkar şəxslər barəsində qanunamüvafiq tədbirlər görülür.

Hazırda reydlər davam etdirilir.