Azərbaycan terrorizm təhdidinin olduğu ölkələr sırasında 95-ci yerdə qərarlaşıb.

Axar.az xəbər verir ki, bu barədə məlumat London İqtisadiyyat və Sülh İnstitutunun hazırladığı “Qlobal terrorizm indeksi 2017” hesabatında yer alıb. Hesabata əsasən, terrorizm təhdidinin ən çox olduğu ölkələr sırasında ilk yerləri İraq, Əfqanıstan, Nigeriya, Suriya, Pakistan, Yəmən, Somali, Hindistan, Türkiyə, Liviya, Misir və Sudan tutub. ABŞ hazırlanan reytinq cədvəlində 32-ci, Rusiya 33-cü, Britaniya 35-ci yerdə qərarlaşıb.

Azərbaycan hesabatda Qafqazın terrorizm təhdidinin ən az olduğu ölkə kimi təqdim edilib. Azərbaycandan fərqli olaraq, İran bu siyahıda 53-cü, Ermənistan 75-ci, Gürcüstan isə 77-ci yeri tutub.

Postsovet məkanı ölkələrinə gəlincə isə Ukrayna 17-ci, Qazaxıstan 67-ci, Tacikistan 72-ci, Qırğızıstan 79-cu, Moldova 106-cı, Estoniya isə 108-ci olub.