Ana səhifə Toplum |
UEFA Çempionlar Liqasının qrup mərhələsi çərçivəsində keçiriləcək “Qarabağ”-“Çelsi” qarşılaşması bitdikdən sonra ekspress xətt avtobusları azarkeşlərin daşınmasına xidmət edəcək.
Bakı Nəqliyyat Agentliyindən Axar.az-a verilən məlumata görə, avtobuslar Bakı Olimpiya Stadionun ərazisindən 3 istiqamətdə - metronun “Qara Qarayev”, “20 Yanvar” və “28 May” stansiyaları istiqamətində hərəkət edəcək. Sərnişinlərin vaxtında və rahat daşınması üçün 3 ekspress xətt üzrə ümumilikdə 400-dən artıq avtobus ayrılıb.
Qeyd edək ki, 27 sentyabrda “Qarabağ”-“Roma” oyununda da azarkeşlər üçün avtobuslar ayırılacağı barədə xəbər yayılmışdı. Lakin oyundan sonra avtobusların ayrılmadığı üzə çıxdı.
Yağış altında metroya qədər gəlməyə məcbur olan və Bakı Metropoliteninin qısa müddətdə sərnişinlərin daşınması üçün şərait yaratmasını alqışlayan azarkeşlər, o cümlədən media nümayəndələri isə BNA-nın ünvanına çoxsaylı tənqidlər səsləndirmişdilər.
Tarix
2017.11.20 / 12:50
|
Müəllif
Nərmin Əkbərli
|