Azərbaycan Silahlı Qüvvələrinin zabiti Ramil Səfərov Kozma həbsxanasında olduğu zaman çəkilən fotosunu paylaşıb.

Axar.az xəbər verir ki, R.Səfərov İnstaqram hesabından paylaşdığı fotoya “2010-cu il, Kozma həbsxanası, Macarıstan” sözlərini yazıb.

Fotoda R.Səfərovun əynində məhbuslar üçün nəzərdə tutulmuş xüsusi geyim olduğu görünür.

Qeyd edək ki, Ramil Səfərov Azərbaycan Respublikası Prezidentinin 31 avqust 2012-ci il tarixli Sərəncamı ilə cəza çəkməkdən azad edilərək əfv edilib. 1 sentyabr 2012-ci ildə Azərbaycanın müdafiə naziri Səfər Əbiyev Ramil Səfərovu qəbul edib və onu mayor rütbəsi ilə təltif edib.