Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
20 Oktyabr 2018


Polis sürücünü hədələdi: DYP-dən reaksiya – Video

Ana səhifə Toplum
12 Punto 14 Punto 16 Punto 18 Punto

“Bakıda yol polisi onu kameraya çəkən sürücünü hədələyib” başlıqlı yazılar mətbuatda birtərəfli işıqlandırılıb. Məsələ mediada əksini tapan kimi deyil. Bizdə həmin hadisənin tam görüntüləri və səs yazısı var. Sürücü hadisəni sadəcə özünə sərf edən şəkildə ictimailəşdirib.

Bu sözləri Axar.az-a Bakı Şəhər Baş Dövlət Yol Polis İdarəsinin İctimaiyyətlə əlaqələr şöbəsinin rəisi Vaqif Əsədov yol polisinin sürücüyə qarşı kobud ifadələr işlətməsini əks etdirən videogörüntü ilə bağlı danışarkən deyib.

V.Əsədov bildirib ki, həmin görüntüdə hədələmə faktı yoxdur. Yol polisi sadəcə kobud formada fikrini bildirib:

“Tam şəkildə olan səs yazısında aydın görünür ki, yol polisi çox təmkinlə və nəzakətlə danışır. Sadəcə, sürücü polisə qarşı belə xoşagəlməz söz işlədir və onu lentə almağa başlayır. Polis isə bildirir ki, buna görə sizin başınız ağrıya bilər. Sürücüyə qanunla protokol yazılıb. Burada sadəcə inspektorun bir kobud ifadəsindən istifadə edirlər. İnspektor bildirib ki, mən iş başındayam”.

Şöbə rəisi əlavə edib ki, hadisənin tam görüntüsünü mediada yaya bilərlər, lakin bu günə qədər belə bir şey etmədikləri üçün indi də belə fikirləri yoxdur:

“Biz sürücülər haqqında, onların cərimələri barədə məlumatları mediaya vermirik. Ancaq qarşı tərəf bununla bağlı öz səhvini başa düşməsə, biz həmin görüntüləri yaymağa məcbur olacağıq. Hər bir hərəkətə adekvat cavab verilir. Qarşı tərəf özünü haqlı hesab edib, özünü təmizə çıxarmaq üçün bir polisi ləkələyirsə, bu, heç bir halda yaxşı hal deyil. Dövlətə, dövlətçiliyə xidmət edən şəxs ən azından qanunvericilikdə nəzərdə tutulmuş tələblər üzrə hərəkət etməlidir. İnspektorun hər hansısa səhvi var idisə, onu qanunvericilikdə nəzərdə tutulmuş formada həll etmək lazım idi. Daha onu özünə sərf edən kimi ictimailəşdirmək, yol polisinin fəaliyyətinə kölgə salmaq düzgün deyil”.

V.Əsədov hesab edir ki, sürücü öz səhvini başa düşəcək:

“Yol hərəkəti qaydasını pozub, saxlanıb, inzibati qaydada ona qarşı protokol tətbiq edilib. Bizim işimiz ictimaiyyətdə şok yaratmaq deyil, biz funksional vəzifəmizi həyata keçiririk. Kimisə tənqid etmək, yazdığımız protokol barədə ictimaiyyətə məlumat vermək bizim işimiz deyil. Mən şəxsən çox təəssüf edirəm ki, belə bir hal baş verib”.

Qeyd edək ki, SƏS TV Bakıda yol polisinin onu kameraya çəkən sürücünü hədələdiyini əks etdirən video yayıb. Görüntülər paytaxtın Üzeyir Hacıbəyov küçəsində çəkilib.

Onu videoya çəkən sürücünü polis zabiti “Sənin başın partlayar” deyə hədələyib.

Tarix
2017.11.21 / 14:01
Müəllif
Nigar İxtiyarqızı
Şərhlər
Загрузка...
Digər xəbərlər

Azərbaycanın ermənilərə qan udduran xüsusi qrupu - Detallar

Reyd: 70-dən çox sürücü və piyada cərimələndi

Sürüşmə zonasında son durum: süxurlar yola doğru hərəkət edir

İki nəfəri güllələyən çobanla bağlı yeni məlumat - Rəsmi

Bakı-Sumqayıt qatarı ilə bağlı - Dəyişiklik

İlham Əliyev 4 sərəncam imzaladı

Polis rəisi şagirdlərlə görüşdü: Narkomaniya bəlası...

Zakir Həsənov holdinq rəhbərliyi ilə görüşdü

Novruz Məmmədov nazirləri topladı - Foto

Diqqət: Zağulba yolunun bir hissəsi bağlanır

KULT
<>
Xəbər xətti
 
  
  
  
  
  
Axar.az'da reklam Bağla
Reklam
Bize yazin Bağla