Ana səhifə Toplum |
İstilik sistemlərinin 15 noyabrda işə düşməsinə baxmayaraq, Bakı sakinləri mənzillərinə yetərincə istilik verilməməsindən, əsasən də səhər və axşam saatlarında dərəcənin az olmasından şikayət edirlər.
Məsələ ilə bağlı Axar.az-a danışan Azəristiliktəchizat ASC-nin abonent və müştəri xidmətləri şöbəsinin rəisi Rafiq Əliyev bildirib ki, havanın temperaturundan asılı olaraq qazanxanaların dərəcəsi tənzimlənir:
“Bakının bütün ərazilərində mərkəzi istilik sistemi artıq işə düşüb. Qazanxanalarda istilik sistemi havaya görə tənzimlənir. Ümumiyyətlə, hava 17-18 dərəcə olarsa, yüksək temperaturda istilik verilməsi doğru deyil. Yüksək temperatur verilən zaman hamı pəncərəni açır və bütün istilik boşuna gedir. Hava soyuyarsa, temperaturu artıracağıq. Hazırda havanın isti olmasına baxmayaraq, bizim qazanxanalar yenə işləyir. Axşam saatlarında havanın soyuması müşahidə olunarsa, göstəriş vermişik, qazanxanalarda dərəcələr artırılacaq”.
Tarix
2017.11.21 / 16:31
|
Müəllif
Nərmin Əkbərli
|