Millət vəkili Qənirə Paşayeva Sudan Beynəlxalq Biznes və Peşəkar Qadınlar Federasiyanın rəhbəri Abla Mahdinin rəhbərlik etdiyi heyətlə görüşüb.

Axar.az xəbər verir ki, millət vəkili görüş zamanı Xocalı soyqırımını qəbul etdiyinə görə Sudana təşəkkür edib.

Q.Paşayeva görüş zamanı Ermənistanın işğalçılıq siyasəti, 1 milyon azərbaycanlı qaçqın və məcburi köçkünün Ermənistanın işğalı nəticəsində öz yurd-yuvalarına dönə bilməməsi və onların fundamental insan haqlarının pozulması barədə ətraflı məlumat verib:

“Ədalətin yanında olan bütün insanlar Ermənistanın bu addımlarına laqeyd qalmamalı və buna qarşı Sudan parlamentariləri kimi öz etiraz səslərini ucaltmalıdırlar”.

Azərbaycanla əməkdaşlığın inkişafına önəm verdiklərini, əməkdaşlığı daha da genişləndirməkdə maraqlı olduqlarını deyən Abla Mahdi və rəhbərlik etdiyi heyəti bu istiqamətdə səylərin daha da artacağına inandığını deyib.