Sumqayıt şəhərinə ictimai nəqliyyatda istifadə üçün yeni avtobusların gətirilməsi davam edir.

Sumqayıt İcra Hakimiyyətinin mətbuat xidmətindən Axar.az-a verilən məlumata görə, şəhərdaxili mövcud xırda tutumlu, istismara yararsız, ekoloji baxımdan primitiv nəqliyyat vasitəsi xətlərdən çıxarılıb, sərnişinlərin rahatlığı üçün Türkiyə istehsalı olan 100-ə yaxın müasir avtobus gətirilərək xətlərə buraxılıb.

Bu avtobusların 5, 7 və 30 saylı marşrut üzrə hərəkəti nəzərdə tutulub. İcra hakimiyyətindən ilin sonuna kimi daha bir neçə yeni avtobusun şəhərə gətirilərək nəqliyyat sisteminin tamamilə yenilənəcəyi deyilib.