Ana səhifə Toplum |
İstanbul Baş Prokurorluğunda Rza Zərrab haqqında başladılan casusluq istintaqı çərçivəsində saxlanılan iş adamının bacısının həyat yoldaşı, NAB Holdinqin İdarə heyətinin sədri Bəhram Eromi sərbəst buraxılıb.
Axar.az "Habertürk"ə istinadla xəbər verir ki, sərbəst buraxılanlar arasında holdinqin idarə heyətinin üzvü Nadir Eromi ilə bərabər, 14 nəfər yer alır.
Qeyd edək ki, bir müddət əvvəl əslən azərbaycanlı milyarder, ABŞ-da mühakimə edilən Rza Zərrabın Türkiyədəki əmlakına həbs qoyulub. Əmlaklarına həbs qoyulanlar sırasında R.Zərrabın 23 qohumunun adı qeyd olunub. Bu şəxslər sırasında NAB Holdinqin kiçik səhmdarı və İdarə Heyətinin üzvü Omid Erominin də adı yer alıb. Keçən şənbə günü isə Sarıyer Kireçburnunda yerləşən holdinq mərkəzində axtarışlar aparılıb və bunun da nəticəsində holdinqin 14 işçisi polis tərəfindən saxlanılıb.
Ötən gün isə İstanbul Prokurorluğu onları R.Zərrab olayında şübhəlilər siyahısından çıxarıb.
Tarix
2017.12.08 / 14:53
|
Müəllif
Büllurə Yunus
|