Bakı-Tiflis -Qars dəmir yolu vasitəsi ilə yükdaşımalara artıq start verilib.

“ADY Express”dən Axar.az-a verilən məlumata görə, Azərbaycanla Türkiyə arasında yükdaşımalara dair tariflər artıq müəyyən edilib.

Qiymətlər cədvəlində hər iki ölkənin əsas şəhərləri arasında tariflər göstərilib. Ancaq “ADY Express” şirkəti “qapıdan-qapıya” yükdaşımaları xidməti təqdim etdiyindən, Azərbaycanla Türkiyə arasında yüklərin nəqlini bütün şəhərlərdən həyata keçirmək mümkün olacaq.

Cədvəldə göstərilən qiymətlər hər iki istiqamətdə eynidir və tariflərə konteynerlərin ayrılması daxil deyil.

Bakı-Tiflis-Qars dəmir yolu vasitəsi ilə yüklərin nəql edilməsinə dair yük sahiblərinə əlavə informasiya və ya məsləhətlər lazım olan təqdirdə “ADY Express” şirkətinin əməkdaşları ilə əlaqə yarada bilərlər