Bakıda yeni tunel inşa edilir. Tikilməkdə olan tunel günün pik saatlarında tıxac yaranan Ziya Bünyadov prospekti ilə Hava Limanı yolunu birləşdirəcək.

Axar.az xəbər verir ki, tunelin inşası Azərbaycan Avtomobil Yolları Dövlət Agentliyinin sifaşi ilə həyata keçirilir. Tunelin tikintisinə artıq 1 həftədir ki, start verilib. İşlər gedir. Olimpiya stadionunun yaxınlığında aparılan işlər üçün əraziyə ağır texnikalar gətirilib.

Bu tunel Ziya Bünyadov prospektindən Hava Limanı yoluna birbaşa çıxışı təmin edəcək. Bununla da Ziya Bünyadov prospektindən gələrək Hava Limanı istiqamətinə getmək istəyən sürücülər “Koroğlu” metro stansiyasının qarşısından keçməyə məcbur olmayacaqlar. Tunel 2 zolaqdan ibarət olacaq.

Tunelin inşasının nə zaman başa çatacağı dəqiq məlum deyil. Ümumilikdə prosesin 6-7 ay davam edəcəyi proqnozlaşdırılır.