Ana səhifə Toplum |
Azərbaycan Respublikası Prezidenti yanında Bilik Fondunun təşkilatçılığı ilə Suraxanı rayonu 232 nömrəli orta məktəbdə “20 Yanvar - xalqımızın qəhrəmanlıq səhifəsidir” adlı tədbir keçirilib.
Axar.az xəbər verir ki, bu barədə məktəbin direktoru Məhluqə Əzizova məlumat verib.
O bildirib ki, tədbirdə məktəbin şagirdləri 20 Yanvar hadisələri ilə bağlı müxtəlif kompozisiyalar hazırlayıb.
Tədbirdə Bakı Dövlət Universitetinin dosenti Sevinc Əliyeva, Suraxanı rayon icra hakimiyyətinin siyasi, ictimai və humanitar şöbəsinin müdir müavini Rəşid Məmmədov, Suraxanı rayon Heydər Əliyev Mərkəzinin baş elmi işçisi Zəkiyyə Məmmədova və başqaları şagirdlər qarşısında mühazirə oxuyub.
Tədbirdə çıxış edən Bakı Dövlət Universitetinin dosenti Sevinc Əliyeva şagirdlərin hazırladığı kompozisiyanın çox yuksək səviyyədə olduğunu deyib:
“Selcan adlı fidan balanın ürəklə söylədiyi şeir hamımızı kövrəltdi”.
Tarix
2018.01.17 / 18:31
|
Müəllif
Firuzə Vahidqızı
|