Ana səhifə Toplum |
Bu gün 10 TG 111 dövlət qeydiyyat nişanlı 11 nömrəli avtobusu yolun əks istiqaməti üzrə idarə edən sürücü İsmayılov Əleysər Ələsgər oğlu işdən azad edilib.
Bu barədə Axar.az-a Bakı Nəqliyyat Agentliyindən məlumat verilib.
Məlumatda bildirilib ki, sərnişin avtobusunun sürücüsü yol hərəkəti qaydalarını kobud şəkildə pozub:
“Həmin görüntü əsasında dərhal araşdırma aparılıb və 11 nömrəli müntəzəm marşrut xətti üzrə fəaliyyət göstərən daşıyıcı Bakı Nəqliyyat Agentliyinə çağrılıb. Bakı Nəqliyyat Agentliyinin göstərişi əsasında sərnişindaşıma, təhlükəsizlik və yol hərəkəti qaydalarını kobud şəkildə pozan sürücü İsmayılov Əleysər Ələsgər oğlu daşıyıcı tərəfindən işdən azad edilib. Bununla yanaşı daşıyıcıya analoji halın digər sürücülər tərəfindən təkrarlanmaması üçün zəruri tədbirlərin görülməsi tapşırılıb”.
Tarix
2018.01.18 / 17:39
|
Müəllif
Nərmin Əkbərli
|