Azərbaycan Avtomobil Yolları Dövlət Agentliyi tərəfindən 2017-ci il ərzində uzunluğu 1335 kilometr təşkil edən ümumi istifadədə olan avtomobil yolları, Bakı şəhəri və onun qəsəbələrinin avtomobil yolları, prospekt və küçələr tikilib, yenidən qurulub və təmir olunub.

Agentliyin mətbuat xidmətindən Axar.az-a verilən məlumata görə, buraya uzunluğu 313,4 kilometr olan respublika əhəmiyyətli, yerli əhəmiyyətli (888,7 kilometr) və Bakı şəhər yolları (133,0 kilometr) daxildir.

Qeyd olunub ki, 2015-ci ildə 525 kilometr, 2016-cı ildə isə 880 kilometr yol tikilib, yenidən qurulub və təmir olunub. 2018-ci ildə bu rəqəmin artaraq 2 min kilometrdən artıq olması nəzərdə tutulub.