“Gürcücə Vikipediya”dakı Azərbaycan məqaləsi tanınmış araşdırmaçı Mehman İbrahimov tərəfindən əsaslı redaktə olunduqdan sonra ayın məqaləsi seçilib.

Axar.az xəbər verir ki, bu barədə AMEA Mərkəzi Elmi Kitabxanasının şöbə müdiri, diaspor üzrə araşdırmaçı-jurnalist Elnur Eltürk məlumat yayıb. Onun sözlərinə görə, məqalə “Gürcücə Vikipediya”da bir ay ərzində görünəcək:

“Məqalədə Azərbaycanın turizmi, mədəniyyəti, iqtisadiyyatı və başqa sahələr, işğal olunmuş torpaqlarımız haqqında geniş məlumatlar öz əksini tapıb. İki gün ərzində məqaləyə baxış sayı üç mindən çox olub və bu rəqəmin artacağı gözlənilir.

Mehman İbrahimov xarici mətbuatda Azərbaycan həqiqətləri uğrunda mübarizə aparan araşdırmaçılardandır. Dəfələrlə Ermənistanın Qarabağı işğal etməsi və Xocalı soyqırımı barədə xarici mətbuatda sərt məqalələrlə çıxış edib”.