Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
15 Avqust 2018


Bu icra başçıları ilə bağlı ölçü götürüləcək - Açıqlama

Ana səhifə Toplum
12 Punto 14 Punto 16 Punto 18 Punto

Prezident Administrasiyasının Sənədlərlə və vətəndaşların müraciətləri ilə iş şöbəsinin müdiri Süleyman İsmayılovun ötən ilin yekunları ilə bağlı açıqladığı siyahı diqqətləri cəlb edib. S.İsmayılov bildirib ki, daxil olan müraciətlərin ümumi sayı Naxçıvan MR, Gəncə, Lənkəran, Mingəçevir, Sumqayıt, Şəki, Şirvan, Abşeron, Ağdam, Ağsu, Astara, Biləsuvar, Binəqədi, Cəlilabad, Daşkəsən, Füzuli, Gədəbəy, Goranboy, Hacıqabul, Xaçmaz, Xətai, İmişli, İsmayıllı, Kürdəmir, Qaradağ, Qazax, Qəbələ, Qobustan, Qusar, Lerik, Masallı, Nərimanov, Nəsimi, Nizami (Bakı), Samux, Səbayel, Siyəzən, Suraxanı, Şabran, Şuşa, Tərtər, Zərdab, digər şəhər və rayonlarda daha çox azalıb. İl ərzində də adları açıqlanan bu rayon icra hakimiyyətləri ilə bağlı mətbuatda elə də ciddi şikayətlər işıqlandırılmayıb.

Axar.az xəbər verir ki, rəsmi məlumatda il ərzində bölgələr üzrə icra və bələdiyyələrlə bağlı daxil olmuş müraciətlərin 33,2 faizinin şikayətlərlə bağlı olduğu bildirilib. Ən çox şikayət isə Balakən, Beyləqan, Binəqədi, Göyçay, Xəzər, İmişli, Qazax, Laçın, Sabunçu, Şamaxı, Tərtər, Tovuz, Ucar, Yasamal, Zaqatala rayonları bələdiyyə və icra hakimiyyəti orqanları ilə bağlıdır.

Yada salaq ki, Prezident İlham Əliyev də 2017-ci ilin iyul ayının 12-də Nazirlər Kabinetinin geniş müşavirəsində icra başçılarına onlardan şikayətlər gəldiyi barədə xəbərdarlıq etmiş, müəyyən tapşırıqlar vermişdi. Prezident həmçinin bunun üçün icra oranlarına ötən ilin 15 dekabr tarixinə kimi vaxt da qoymuşdu. Prezidentin qoyduğu vaxt ərzində Şərur Rayon İcra Hakimiyyətinin başçısı İbrahim Məmmədov, Yasamal Rayon İcra Hakimiyyətinin rəhbəri İbrahim Mehdiyev və Quba Rayon İcra Hakimiyyətinin başçısı Yaşar Məmmədov vəzifələrindən azad edildi.

Məsələ ilə bağlı Axar.az-a açıqlama verən millət vəkili Vahid Əhmədov bildirib ki, Prezident Adminstrasiyasının yaydığı bu məlumatla bağlı çox geniş izahat verilib. Deputat təcrübəsindən çıxış edərək bildirib ki, açıqlanan rəqəmlər gördüyü mənzərəyə tam uyğundur:

“Bir millət vəkili olaraq bölgədə vətəndaşlarla hər ay qəbul keçirirəm. Hər dəfə də təxminən 50-100 arası adam qəbul edirəm. Süleyman İsmayılovun açıqladığı rəqəmlərə baxanda da görünür ki, bu rəqəmlər vəziyyətə çox uyğundur. Doğrudan da şikayətlərin hansı rayonda nə qədər olması, hansı sahələri əhatə etməsi və s. bunların bir qismi bizim qəbul keçirdiyimiz sahələrlə üst-üstə düşür”.

V.Əhmədov bildirib ki, belə bir analizin aparılması, mətbuatda yayılması çox böyük əhəmiyyət kəsb edir:

“Süleyman İsmayılova öz təşəkkürümü bildirirəm ki, geniş izahat verib. Biz də öz mövqeyimizlə əlaqədar olaraq həmin materiallardan istifadə edirik. Çünki bəzi yerlərdə şikayətlər azalsa da, digər bölgələrdə şikayətlər çoxalır”.

Deputatın sözlərinə görə, İlham Əliyev ilin yekunları ilə əlaqədar müəyyən qərarlar qəbul edəcək:

“2017-ci ilin iyun ayında prezident icra hakimiyyətlərinə fəaliyyətlərinin normallaşdırılması və ölkə iqtisadiyyatına özəl sərmayələrin artırılması ilə bağlı xəbərdarlıq etmişdi. Süleyman müəllimin açıqlaması da onu göstərir ki, cənab İlham Əliyev ilin yekunları ilə əlaqədar müəyyən qərarlar qəbul edəcək. Bölgələrdən şikayətlər həddən artıq çoxdur. İcra hakimiyyətləri tərəfindən insanlar qəbul edilmir, şikayətləri təmin olunmur. Ona görə də ölkə başçısının bu sahədəki problemlərin aradan qaldırılması üçün bəzi qərarlar verilməsi gözlənilir”.

Tarix
2018.02.15 / 13:00
Müəllif
Nigar, Billurə
Şərhlər
Загрузка...
Digər xəbərlər

Bu sürücülər də cərimələndi: Reyd davam edir - Foto

"Nar” abituriyentləri mükafatlandırdı - Foto

Sürücüdən polisə: Yazma dedim, yekə kişisən - Video

Azərbaycanda yeni fond yaradılır - Nazirlik açıqladı

Fədayənin bacısı ifadə verdi: Mənə dedi ki, başın ağrıyacaq

Quli "sxodka"ya bu geyimdə gəldi - Foto

FHN və DİN 68 yaşlı kişini axtarır

Otellər, Restoranlar və Kafelər Assosiasiyası yaradılır

Dilimizə qarşı qurultay: münsiflər istefa verdi

Azərbaycanlı tələbə İran məhkəməsində - Vəkildən tələb

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla