Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
21 Yanvar 2018


Namus üstündə baş verən ailə faciəsinin şok detalları

Ana səhifə Toplum
12 Punto 14 Punto 16 Punto 18 Punto

Sabirabadda namus üstündə ağır ailə faciəsi baş verib.

"Hafta.az"a daxil olan məlumata görə, rayonun bir kəndində Aygün adlı (bütün adlar şərtidir) qadın özünü asıb. Lakin bu hadisə sadəcə özünəqəsd kimi qiymətləndirilmir.

Kənd sakinilərinin verdiyi məlumata görə, Aygün özünü asmamışdan bir gün öncə həyat yoldaşı Nicat ilə oğlu Namiqi İrana yola salıb. Ata ilə oğul İrana getdikləri günün axşamı Aygün həyatının faciəsini yaşayıb.

Məlumatda bildirilib ki, həmin gecə saat 2 radələrində qonşu Xudayar, Aygünün pəncərəsindən kiminsə içəri girdiyini görüb:

"O, fanar və fotoaparat götürərək pəncərəyə qalxıb və naməlum şəxsin Aygünün otağında fotosunu çəkib. Həmin fotonu isə səhəri gün bütün kəndə yayıb. Aygünün atası qızını şantaj etdiyi üçün Xudayardan Polis İdarəsinə şikayət edib. Polis məsələni araşdırıb başa çatmamış faciə baş verib. Bu hadisədən 24 saat keçməmiş, Aygün özünü asıb".

Xudayarın kənd camaatına bildirdiyinə görə, səhəri gün Aygün onun yanına gələrək, şəkili silməyi və bu məsələdən heç kimi məlumatlandırmamağı xahiş edib:

"Aygün deyib ki, bunu bir sən bilirsən, bir də mən. Qoy öz aramızda qalsın. Lakin Xudayar onun sözlərinə məhəl qoymayıb. Belə olan halda Aygün özünü Kür çayına atmaq istəyib. Kənd sakinlərinin onu görməsi isə bu planın baş tutmaması ilə nəticələnib. Həmin gün təxminən 15 radələrində Aygünün həyətlərindəki çardaqdan asılmış şəkildə cansız bədəni tapılıb".

Məlumatda o da bildirilir ki, hadisəni araşdıran polis Aygünün özünü asdığı kəndirdən qardaşının barmaq izlərini aşkarlayıb:

"Qardaşı isə bildirib ki, Aygünün meyitini kəndirdən o açıb. Buna görə də onun barmaq izləri ekspertiza əməliyyatı nəticəsində aşkarlana bilər".

Aygün ölümündən yarım saat əvvəl oğlu və həyat yoldaşı ilə telefonla danışıb.

Aygün özünü asmamışdan öncə əri Nicatın telefonuna zəng edib. Nicat isə bildirib ki, artıq kəndin girəcəyindədir və yarım saata evlərinə çatacaq. Xatırladaq ki, həmin vaxt Nicat baş verən hadisələrdən xəbərsiz olub. Daha sonra oğlu Namiqlə də danışan Aygünün telefon zəngindən yarım saat sonra həyətdə asılmış vəziyyətdə meyiti tapılıb. Nicat isə bu xəbəri evlərinin yaxınlığında məsciddə azan çəkən mollanın sonda rəhmətə gedənin adını qeyd etməsi nəticəsində öyrənib (bu kəndin adətlərinə görə, insan ölən zaman bunu məscidin mollası yüksək səslə bütün camaata çatdırır - red.)

Hadisə ilə bağlı əməliyyat aparan Sabirabad Rayon Polis İdarəsi meyitin üzərində hər hansı bir zorakılıq əlaməti aşkarlamayıb. Lakin kənddə gəzən şayiələrə görə, Aygünü özünü asmağa qardaşı məcbur edib.

Qeyd edək ki, Nicat və Aygün təxminən 10 il idi ki, evli idilər. Onların iki azyaşlı uşaqları var.

Aygünün evinə girən şəxs və bunu fotoya alan Xudayar haqqında polis idarəsi tərəfindən tədbirlər görülüb. Hadisə ilə bağlı cinayət işi açılıb və istintaq davam edir.

Tarix
2014.07.31 / 14:17
Müəllif
Axar.az
Şərhlər
loading...
Digər xəbərlər

Həlak olan polkovnik Aprel döyüşünün qəhrəmanı olub - Video

Ronaldo gedir: Prezident icazə verdi

Bakıda 23 YPX avtoşu zorla saxladı

Bakının 3 qəsəbəsində su kəsildi

Hərbi qulluqçumuz həlak oldu - MN

AST Telmana daha bir zərbə: Bu da əlindən alınır

Türkiyə-Azərbaycan arasında qardaş bələdiyyələr... - Foto

Lənkəranda insanları döyərək öldürən şəxs tutuldu

Sabahın hava proqnozu açıqlandı

Paris geri çəkildi: Bakının rəqibləri azalır

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla