Ana səhifə Toplum |
Şəkinin mərkəzində 200 mənzilə illərdir təbii qaz verilmir. Bu məsələ prezident seçkiləri ərəfəsində süni narazılıq yaradır.
Axar.az xəbər verir ki, bu sözləri millət vəkili Yaqub Mahmudov Milli Məclisdə Hökumətin 2017-ci il hesabatına münasibət bildirərkən deyib.
Millət vəkili bildirib ki, Şəkidə 441 nəfər vətəndaşa torpaq sahəsi ayrılıb, onlar həmin sahədə ev tikiblər. Lakin 200 mənzildə yaşayış olsa da, illərdir qazla təmin edilməyiblər:
“Necə olur ki, illərdir şəhərin bir hissəsində bu süni narazılıq yaradılır. Biz prezident seçkiləri ərəfəsindəyik, baş nazirə müraciət edərək, bu süni narazılığı aradan qaldırmaqda bizə dəstək verməsini xahiş edirəm”.
Millət vəkili Şəkidə hava limanı məsələsini də gündəmə gətirib:
“100 min nəfərlik əhalisi olan Şəkidə nə üçün təyyarə meydançası olmasın? Bu məsələyə dövlət maraqları səpkisində baxılmasını istərdik. Şəkinin tarixiliyini və bugünkü inkişafını nəzərə alaraq, şəhərdə hava limanının olmamasının doğru olmadığını düşünürəm”.
Tarix
2018.03.16 / 23:17
|
Müəllif
Axar.az
|