Ana səhifə Toplum |
İnformasiya və kommunikasiya texnologiyalarının inkişafı gələcəkdə bir sıra peşə sahiblərini işsiz qoyacaq. Buna səbəb bəzi peşələrin yox olaraq tarixə qovuşması olacaq. Ancaq ənənəvi peşələrin bir qisminə isə tələbat artacaq.
Axar.az Xəzər Xəbər-ə istinadən xəbər verir ki, yaxın gələcəkdə marşrutlarda konduktor, marketlərdə kassir, satış menecerləri, rieltorlar.. kimi vəzifələr tarixə qovuşacaq. Buna əsas səbəb sahibkarların aylıq maaş vermək yerinə bu işi görə bilən və yalnız bir dəfə pul ödəyib alınan texnologiyalara üstünlük vermələridir.
Ekspert Elnur Əliyev bildirir ki, gələcəkdə yoxa çıxacaq peşələrin sayı çox olacaq. Ancaq bu hansısa narahatlıq yaratmamalıdır. Çünki informasiya-kommunikasiya texnologiyalarının, eləcə də təbiət elmlərinin sürətli inkişafı bir sıra yeni peşələrin yaranmasına, mövcud olanlara isə tələbatın artmasına gətirib çıxaracaq. Məsələn, genetika mühəndisliyi, elektron idman oyunçuluğu, kibertəhlükəsizlik mütəxəssisi bunlardan sadəcə bir neçəsidir. Buna görə ali təhsil müəssisələri də tədris etdiyi fakültələri müasir dövrün tələblərinə uyğunlaşdırmalıdır.
Onu da qeyd edək ki, müasir texnologiyalarla yanaşı, bir sıra ənənəvi sahələrə tələbat isə artacaq. Bunlar psixoloq, din xadimliyi, idman müəllimliyi və diş həkimliyi kimi sahələrdir.
Tarix
2018.03.19 / 02:04
|
Müəllif
Axar.az
|