"Mardan Palas”ın Türkiyə üzrə nümayəndəsi otelin "Riksos Qrup” tərəfindən alınacağı ilə bağlı KİV-də yayılan xəbərləri təkzib edib.

Axar.az xəbər verir ki, bu barədə Oxu.az məlumat yayıb.

"Bu, sadəcə söz-söhbətlərdir. "Riksos” şəbəkəsinin "Mardan Palas”ın alınması üçün tələb olunan bu vəsaiti ayıracağı inandırıcı deyil. Şəbəkənin müxtəlif ölkələrdə yeni otellərin inşasını davam etdirməsi də bunu deməyə əsas verir. Tikinti işləri hələ yekunlaşmayıb və onların maliyyələşməsi tələb olunur” - deyə "Mardan Palas”ın adı açıqlanmayan nümayəndəsi bildirib.

Hazırda "Mardan Palas”ın bazar qiyməti 400 milyon dollar qiymətləndirilir. Açıqlama verən otel nümayəndəsinin sözlərinə görə, bundan əvvəl qətərli investorlardan biri iri məbləğ – 600 milyon dollar təklif etsə də, Telman İsmayılov oteli ona satmaqdan imtina etmişdi.