Ana səhifə Toplum |
17:28
Güclü külək bakıda və ölkəmizin müxtəlif yerlərində fəsadlar törədib.
Axar.az xəbər verir ki, paytaxtın Binəqədi rayonu, Abay Kunanbayev küçəsində küləyin aşırdığı ağac yolun ortasına düşüb. Xoşbəxtlikdən xəsarət olmasa da, yol bağlanıb.
Güclü külək səbəbindən Ağdamın bir çox yaşayış məntəqəsinə elektrik enerjisinin verilməsində fasilə yaranıb. APA-nın məlumatına görə, külək Ağdamın Quzanlı qəsəbəsində və Bərdənin Soğanverdilər kəndində bəzi evlərin dam örtüyünü uçurub. Quzanlı qəsəbəsində Vəkil Cəfərov və Əhliman Vəliyev yaşadığı evin dam örtüyünü uçuraraq elektrik naqillərinin üzərinə atıb.
Güclü külək Ucar rayonunda elektrik naqillərinin qırılmasına, eləcə də elektrik dirəklərinin aşmasına səbəb olub.
Bu səbəbdən günorta saatlarından rayonun bir çox yaşayış məntəqələrinin enerji təchizatında problem yaranıb. Ucar rayon Paylayıcı Elektrik Şəbəkəsindən bildirilib ki, təmir briqadaları aşan dirəklərin və qırılan naqillərin bərpa edilməsi istiqamətində işlər görür.
Tarix
2018.03.21 / 18:14
|
Müəllif
Orxan Tağıyev
|