Ana səhifə Toplum |
Göygöl sakini Elxan Əliyevə məxsus fermadan 55 baş qoyun oğurlanıb.
Daxili İşlər Nazirliyinin mətbuat xidmətindən Axar.az-a verilən məlumata görə, oğurluqda şübhəli bilinən Çaykənd kənd sakini, əvvəllər məhkum olunmuş Hüseyn Oruclu, Daşkəsən sakini, əvvəllər məhkum olunmuş Malik Cəfərov və Gəncə sakini Rafiq Bayramalıyev saxlanılıblar.
Tərtərin Köçərli kəndi ərazisində isə keçirilən bayram şənliyində kənd sakini Əli Əlisoy xuliqanlıq zəminində tüfəngdən havaya 1 dəfə atəş açıb. Ə.Əlisoyun evinə baxış zamanı oradan 1 ədəd müvafiq sənədləri olmayan İJ-28 markalı ov tüfəngi aşkar edilərək götürülüb.
Martın 21-də Lənkəranda yaşayan Rasim İsmayılov evinin yaxınlığında münaqişə zəminində qayınatası Şirzad Əmənova bıçaqla xəsarət yetirib.
Nəticədə xəstəxanaya yerləşdirilmiş 62 yaşlı Ş.Əmənov orada ölüb. Qətli törədən istintaqa cəlb olunub.
Tarix
2018.03.23 / 12:20
|
Müəllif
Bayan Nigar
|