Ana səhifə Toplum |
Çinin Uşaqlara Hüquqi Dəstək və Tədqiqat Mərkəzi, "Alibaba Group" Şirkətlər qrupunun dəstəyi ilə 18-25 mart tarixlərində paytaxt Pekində “A20 Qlobal Uşaq Müdafiəsi Sammiti”ni keçirir.
Axar.az xəbər verir ki, ölkəmizi sammitdə Azərbaycan Uşaqları İcitmai Birliyinin sosial iş üzrə eksperti Lamiyə Rzayeva təmsil edir.
L.Rzayeva müxtəlif sessiyalarda Azərbaycanda uşaq müdafiəsi sahəsində hazırkı vəziyyət, görülən işlər, əldə edilən uğurlar və çatışmazlıqlar haqqında tədbir iştirakçılarına məlumat verib.
Qeyd edək ki, sammitdə Afrika, Asiya və Avropadan 21 ölkə və 40-a yaxın vətəndaş cəmiyyəti təşkilatları, beynəlxalq və dövlət qurumları iştirak edir. Sammitin əsas məqsədi uşaq müdafiəsi sahəsində qlobal əməkdaşlığı gücləndirmək, uşaqları yoxsulluqdan, zorakılıqdan və etinasızlıqdan qorumaq üçün xidmət və proqramların yaradılması üçün bilik və təcrübə mübadiləsi etmək, eləcə də iştirakçı ölkələrin uşaq müdafiəsi sahəsində səylərini birləşdirməsi üçün interaktiv platformanın yaradılmasından ibarətdir.
Tarix
2018.03.24 / 16:05
|
Müəllif
Büllurə Yunus
|