Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
16 Oktyabr 2018


Deputatın ailəsi ilə mülk davası sərhədləri aşdı

Ana səhifə Toplum
12 Punto 14 Punto 16 Punto 18 Punto

Milli Məclisin üzvü, Şəmkir kənd seçki dairəsindən deputat olan Sona Əliyeva ilə bağlı yayılan sensasion məlumatların ardı-arası kəsilmir. Deputatın öz doğma ailə üzvlərinin başına gətirdiyi oyunlar fevral ayından indiyə qədər medianın gündəmindədir.

Axar.az xəbər verir ki, deputat S.Əliyevanın anası Bəsirə Əliyevanın 8 fevral tarixində “AzPolitika” saytına verdiyi geniş açıqlamada məlum oldu ki, Milli Məclisin üzvü Şəmkirdə biznes fəaliyyəti ilə məşğul olan mərhum atası Sakit Əliyevin bütün əmlakını anası və qardaşlarını aldadaraq ələ keçirib. Ata vəfat edəndən sonra anasını, “nə durmusan, ərin bu gün-sabah öləcək, onun bütün əmlakını isə oğlanların adlarına keçirəcək, gəl tez gedək notariat kontoruna, onun bütün əmlakını sənin adına keçirək” adıyla Gəncədəki ASAN Xidmət mərkəzinə aparan deputat, anasını aldadaraq, bütün əmlakı öz adına sənədləşdirib. B.Əliyeva həyat yoldaşı vəfat edəndən sonra öyrənib ki, əmlak onun adına deyil, qızı S.Əliyevanın adına keçirilib. Üstəlik özünün payı da əldən gedib.

Deputat bu əmlakdan qardaşlarına və anasına heç nə buraxmayıb.

“Mənim toxunulmazlığım var, mənə heç kim heç nə edə bilməz” sözlərini əsas gətirən deputat bir qardaşını işdən qovdurmaq, digərini tutdurmaqla hədələyib, anasını isə “ağlını itirməkdə” ittiham edib.

Medianın gündəmini zəbt edən bu xəbərlərə S.Əliyevanın qardaşı, Gəncə şəhəri Kəpəz rayon Polis Şöbəsinin rəis müavini Adil Əliyevin “Ailəmizdə heç bir narazılıq yoxdur, problem həll olunub” açıqlaması ilə nöqtə qoyulsa da, şikayətçi ananın “Yeni Müsavat”a yenidən müraciəti göstərir ki, deputatın ailəsinin başına açdığı oyunlar bununla bitmir.

İndi isə deputat S.Əliyeva anası B.Əliyevanı mərhum atasından qalan biznesini davam etdirməyə imkan vermir.

“Yeni Müsavat”a danışan ana bildirib ki, qızı deputat mandatından istifadə edərək, onların biznesini iflic duruma salıb.

Ailə kimə müraciət edirsə, problemlərini həll edə bilmir, onlara “Sona deməsə, icazə verməsə, biz heç bir sənəd işini görən deyilik” deyə bildirirlər.

Deputatın anası B.Əliyevanın iş üzrə təqdim etdiyi sənədlərin arasında Gəncə Şəhər Kəpəz Rayon Məhkəməsinin qətnaməsi də var ki, sənədlərdən S.Əliyevanın atası Sakit Əliyevin ölüm ayağında olanda onun əmlakını mənimsəmək üçün hərəkətə keçdiyi aydın olur.

Maraqlıdır ki, 2 ay öncə ailəsinin onun haqqında dediklərinı heç bir reaksiya verməyən deputat bu dəfə susqunluğunu pozaraq Modern.az saytına danışıb. Ailəsinin ona qarşı səsləndirdiyi iddiaları yalanlayan deputat S.Əliyevanın sözlərinə görə, ailə üzvləri mərhum atasından ona miras qalan əmlakdan və mülkiyyətdən imtina etməyəcəyi təqdirdə onu və övladlarını öldürməklə hədələyib.

Deputat iddia edib ki, onu şantaj edərək psixoloji təzyiq altında ata mirasından notarial qaydada imtina etdiriblər. O, mərhum atasından qalan əmlakdan və müəssisədə olan 50% təsisçi payından imtina edib. S.Əliyeva bildirib ki, çoxları onun deputat imicini korlamaq üçün istifadə edir.

Tarix
2018.04.17 / 11:19
Müəllif
Nigar İxtiyarqızı
Şərhlər
Загрузка...
Digər xəbərlər

İlham Əliyev Astaraya getdi - Foto

Sürüşmə zonasında son durum: gərginlik davam edir

Azərbaycanlıların nazir təyin olunması gözardı edilir – Millət vəkili

Cahangir Hacıyevlə birgə ona da cinayət işi başlanıldı

Bərdədə dəhşət: dostunu güllələyərək öldürdü - Video

Nazir Rzayevi işdən çıxardı - Yeni təyinat

Telman İsmayılovun bacısı oğlu azadlığa buraxılır

Yaponlar dedi ki, bu evlər sökülsün - Abutalıbov

Sürücülərin diqqətinə: bu istiqamətə yol açıldı

Bakıda reyd: 14 sərxoş sürücü və 3 avtoş...

KULT
<>
Xəbər xətti
 
  
  
  
  
  
Axar.az'da reklam Bağla
Reklam
Bize yazin Bağla