Ana səhifə Toplum |
Azərbaycan Avstraliyanın Sidney şəhərində dünya qadınlarının “Davos”u kimi tanınan Ümumdünya qadın sammitində ən fəal təmsil olunan 5 ölkədən biri elan edilib.
Axar.az xəbər verir ki, Azərbaycan nümayəndə heyəti üzvləri sammitin işində fəal iştirak etməklə bərabər, bir sıra önəmli təkliflərlə çıxış ediblər. Millət vəkili Q.Paşayeva ölkəmizin müxtəlif sahələrdə əldə etdiyi uğurlar, qadınların cəmiyyətdə rolu barədə geniş məlumatlar verib.
Azərbaycan Sahibkar Qadınlar Assosiasiyasının idarə heyətinin sədri Səkinə Babayeva, Regional Hüquqi və İqtisadi Maarifləndirmə İB-nin rəhbəri Arzu Bağırova, İşgüzar qadınlar cəmiyyətinin sədri Sürəyya İsmayılova Azərbaycanda qadınların iqtisadi sahədə rolunun genişləndirilməsi istiqamətində həyata keçirilən layihələrdən danışıblar.
Görüşlər zamanı qadınların dövlətin və cəmiyyətin idarə olunmasında, iqtisadiyyatda və biznesdə rolunun artırılmasının Azərbaycan dövlətinin siyasətində önəmli yer tutduğu vurğulanıb.
Tarix
2018.05.15 / 23:49
|
Müəllif
Aygün Yusibova
|