Şəkinin 5 saylı orta məktəbinin 20 şagirddən ibarət 11-ci sinfi hamısı keçid balından yüksək nəticə göstərib.

ARB TV xəbər verir ki, 5-ci sinifdən bir yerdə oxuyan 20 şagirddən Aytac Hüseynli 672 bal, Elnur Məmmədov 665 bal, Aysel Abdullayeva və Şahin Məmmədov 655, Cəlal Rəhmanov 652, Fərid Mustafayev 652, Səyalı Lətifova isə 628 bal toplayıb.

Aysel Hüseyinli (672 bal toplayan): “Bütün bunlar gündəlik və müntəzəm şəkildə dərsdə iştirak etməyin və müəllimlərin kefiyyətli dərs keçmələrinin nəticəsidir”.

Şahin Məmmədov (655 bal toplayan): “Bəlkə də respublikamızın tarixində ən yaxşı nəticələrdən biridir”.

Müəllimlərin sözlərinə görə, bu nəticələr şagirdlər arasında qarşılıqlı köməklə yanaşı, elmi rəqabətin nəticəsində əldə olunub.

Qeyd edək ki, bu il Şəki üzrə 61 şagird 600, 154 şagird isə 500 baldan yuxarı nəticə göstərib.