Gömrük məntəqəsində yaranan sıxlığın aradan qaldırılması üçün sənədləşmənin minimuma endirilməsinə çalışırıq.

Axar.az xəbər verir ki, bunu Gömrük Komitəsinin hüquqi təminat şöbəsinin müdiri Sənan Muxtarov “Azərbaycan gömrüyü – bu gün və sabahın çağırışları" mövzusunda seminarda çıxışında deyib.

O bildirib ki, sərhəd-keçid məntəqələrində sıxlığın qarşısının alınması istiqamətində yeniliklər davam edir:

"Gömrük idarələrində sürətli keçidin təminatı üçün zəruri tədbirlər həyata keçirilir. Qanunvericilik və struktur islahatları da davam edəcək. Qanunvericilik bütün istiqamətlərdə daha da təkmilləşdirilməlidir. Gömrük orqanlarında bu istiqamətdə müxtəlif yeni təkliflər hazırlanıb".