Ana səhifə Toplum |
Ermənistan Müdafiə Nazirliyi kəşfiyyat-diversiya qrupunun üzvü Karen Kazaryanın əsir düşdüyünü təsdiqləyib.
Axar.az xəbər verir ki, bu barədə nazirliyin sözçüsü Artsrun Ovannisyan danışıb.
Onun sözlərinə görə, əsir götürülmüş şəxs Ermənistan vətəndaşıdır və Tavuş vilayətinin Berdavan kəndinin sakinidir. Ermənistanın Müdafiə naziri David Tonoyan Kazaryanın qaytarılması ilə bağlı artıq Beynəlxalq Qırmızı Xaç Komitəsinə müraciət edib. Təşkilata Karen Kazaryanın sağlamlığında problemlər olması barədə məlumat verilib.
Xatırladaq ki, iyulun 15-i səhər saatlarında Azərbaycan-Ermənistan dövlət sərhədinin Qazax rayonu istiqamətində düşmənin kəşfiyyat-diversiya qrupu qoşunların təmas xəttini keçməyə cəhd göstərib. Bölmələrimizin sayıqlığı nəticəsində düşmənin təxribat cəhdinin qarşısı alınıb və itkilər verərək geri çəkilməyə məcbur edilən qrupun bir üzvü əsir götürülüb.
Tarix
2018.07.15 / 15:09
|
Müəllif
Orxan Tağıyev
|