Milli Mətbuat Günü münasibətilə Ekologiya və Təbii Sərvətlər Nazirliyi media nümayəndələrini təbrik edib.

Axar.az xəbər verir ki, bayram münasibətilə nazirliyin binasında tədbir təşkil edilib. Tədbiri giriş sözü ilə açan Ekologoya və Təbii Sərbətlər Nazirliyinin aparat rəhbəri Vüqar Kərimov nazirliklə mütəmadi əməkdaşlıq edənlər də daxil olmaqla, bütün media nümayəndələrinə təbriklərini çatdırıb.

Daha sonra o, media nümayəndələrini Həsən bəy Zərdabinin layiqli davamçıları adlandıraraq onlara işlərində uğurlar arzu edib. V.Kərimov bildirib ki, nazirlik, şəxsən nazir Muxtar Babayev həmişə jurnalistlərlə əməkdaşlıq etməyə maraqlıdır. Ölkənin ekoloji vəziyyətinin qorunmasında da media nümayəndələrinin köməyindən istifadə edir.

Bundan sonra Təbii Sərvətlər və Ekologiya işçiləri həmkarlar ittifaqı Respublika komitəsinin sədri Telman Quliyev və nazirliyin mətbuat katibi İradə İbrahimova media nümayəndələrini təbrik edərək mikrofonu müxbirlərə də uzadaraq hər kəsin fikrini alıb.

Nazir Muxtar Babayevin təbrikini media nümayəndələrinə çatdıran nazirlik rəsmiləri daha sonra hər bir müxbirə bayram münasibətilə hədiyyələr təqdim ediblər.