Yuxarı

Antalyada Azərbaycan küçəsi açılır - Foto

Ana səhifə Toplum
12 Punto 14 Punto 16 Punto 18 Punto

“Azərbaycan Cümhuriyyəti 100", "Azərbaycan şəhidlərini anma” tədbirlərində iştirak etmək üçün Antalyaya səfərə gedən millət vəkili, Avrasiya Beynəlxalq Araşdırmalar İnstitutu İB-nin sədri Qənirə Paşayeva Kəpəz bələdiyyə başçısı Hakan Tütünçü ilə görüşüb.

Axar.az xəbər verir ki, görüşdə bələdiyyə sədri millət vəkili Q.Paşayevanın, Antalya Qəzetçilər Cəmiyyəti başqanı Mövlud Yeni və Antalya Türk Ocaqları başqanı Abdullah Uysalın Kəpəzdə Azərbaycan şəhidlərinin adını daşıyan bir abidənin açılması ilə bağlı təklifini nəzərə aldıqlarını və yaxın zamanlarda Azərbaycan küçəsi və parkının açılacağını deyib.

Q.Paşayeva bildirib ki, qardaş Türkiyədə terrorla mübarizədə şəhid olmuş insanlara Allahdan rəhmət diləyib, erməni terroru barədə də geniş məlumat verib:

“İnanıram ki, biz Azərbaycan və Türkiyə olaraq, əl-ələ verib, torpaqlarımızı Ermənistanın işğalından azad edəcək və bu cür görüşləri o gözəl torpağımızda da keçirəcəyik. İki qardaş ölkə - Azərbaycan ilə Türkiyə arasında əlaqələrin daha da inkişaf etməsindən məmnunuq. Azərbaycan bölgələri ilə Kəpəz arasında da bu əlaqələrin getdikcə daha da genişlənməsi vacibdir".

Görüşdə Kəpəz bələdiyyə başçısı Hakan Tütünçü də çıxış edib və bildirib ki, Kəpəzdə Azərbaycan küçəsinin və parkının açılması, orada Azərbaycanla bərabər Türkiyə və türk dünyası üçün də böyük xidmətləri olmuş aydınların büstünün qoyulması, xatirə lövhələrinin olması və gənc nəsillərimizə onların daha geniş tanıdılması təklifləri də qısa zaman ərzində reallaşacaq: "Bələdiyyəyə rəhbərliyim dövründə Azərbaycanla bütün istiqamətlərdə əməkdaşlığın inkişafına xüsusi önəm və diqqət edəcəm, həmçinin qardaş bələdiyyələr məsələsi ilə də bağlı addımlar atılacaq".

Tütünçü görüşün sonunda Q.Paşayevaya Türk Milli Futbol Klubunun ilk formasını hədiyyə edib.

Tarix
2018.07.22 / 20:10
Müəllif
Axar.az
Şərhlər
Digər xəbərlər

Erməni: Həyətim Azərbaycan ərazisinə düşür - Video

Vaşinqton bu ölkəyə qarşı yeni ittifaq yaradır

Araikin müsahibəsi ilə bağlı AzTV-dən yeni açıqlama

Bu video Musəvinin başına dərd açdı: İstefası tələb edildi

Araikin müsahibəsi buna görə yayımlanmadı - Sensasion iddia

Bəs, İranın “qırmızı xətti” idi? Tehran niyə səsini çıxarmır?

İran bu ölkələri Xəzərə buraxmaq istəmir

Bu, Bakıya təhdiddir: hazırlaşmalısınız – Mixaylov

Makronun “revanş” cəhdi Nikolu niyə qorxutdu?..

Nikolun Qarabağ qərarından sonra Putin ona dedi ki… - Lavrov

KULT
<>
Xəbər xətti
  
  
  
Axar.az'da reklam Bağla
Reklam
Bize yazin Bağla