Dövlət Sərhəd Xidmətinin (DSX) həyata keçirdiyi tədbirlər nəticəsində sərhədboyu zonada narkotik xassəli kolların yabanı halda bitdiyi sahə aşkarlanıb.

DSX-nin mətbuat mərkəzindən Axar.az-a bildiriblər ki, Xidmətin Sərhəd Qoşunlarının Lənkəran sərhəd dəstəsinin hərbi qulluqçuları tərəfindən Lerik rayonunun Orand və Hildərə kəndlərinin sərhəd xəttinə yaxın ərazilərində aqrotexniki qulluq edilməmiş 78 min 560 ədəd, ümumi çəkisi 1960 kiloqram olan xaş-xaş kolunun yabanı halda bitməsi müəyyənləşib.

Xaş-xaş kolları yerli icra nümayəndəliyinin, Lerik Rayon Polis Şöbəsinin əməkdaşlarının iştirakı ilə yığılıb, yandırılaraq məhv edilib.