Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
19 Avqust 2018


Azərbaycan Xəzərdə döyüş təliminə başladı - Foto

Ana səhifə Toplum
12 Punto 14 Punto 16 Punto 18 Punto

Dövlət Sərhəd Xidmə­ti (DSX) Xəzər dənizində taktiki döyüş təliminə start verib.

DSX-dən Axar.az-a verilən məlumata görə, Azərbaycan Respublikasının Prezidenti cənab İlham Əliyevin 11 sentyabr 2013-cü il tarixli Sərəncamı ilə təsdiq olunmuş "Azərbaycan Respublikasının dəniz təhlükəsizliyi strategiyası”na əsasən dəniz sər­hədlərinin etibarlı mühafizəsi, Xəzər dənizinin Azərbaycan Respubli­kasına mənsub bölməsində təhdidlərə qarşı effektiv mübarizənin tə­min edilməsi, döyüş hazırlığının daima yüksək səviyyədə saxlanılması istiqamətində tədbirlər davam etdirilir.

Bu tədbirlər sırasında Dövlət Sərhəd Xidmətinin Sahil Mühafizəsi və Çevik Hərəkət Qüvvələri tərəfindən birgə keçirilən taktiki döyüş təlimləri xüsusi yer tutur. Avqustun 10-da Dövlət Sərhəd Xidmə­tinin silahlı birləşmələri tərəfindən “Xəzər dənizinin Azərbaycan Res­publikasına mənsub bölməsində təhlükəsizliyin təmin edilməsi” möv­zusunda taktiki döyüş təliminə start verilib.

Xəzər dənizində Azərbaycan Respublikasının dövləti maraqlarının qorunması imkanlarının təkmilləşdirilməsi məqsədilə keçirilən təlimin əsas hədəfləri aşağıdakılardır:

Xəzər dənizində neft-qaz ehtiyatlarının hasilatı və daşınması infras­trukturunun, sualtı boru kəmərlərinin mühafizəsinin təşkili;

dənizdə və sahildə təxribat qruplarının axtarışı və zərərsizləşdiril­məsi;

sualtı müşahidə sistemləri vasitəsilə hədəflərin aşkarlanması, sualtı təxribat qruplarının axtarışı və zərərsizləşdirilməsi;

gəmi və helikopterlərlə sərhəd axtarışının aparılması;

raket-artilleriya qurğularından atışların keçirilməsi;

Xəzər dənizi hövzəsindən qanunsuz məqsədlərlə istifadə hallarının, o cümlədən narkotik vasitələrin və digər qaçaqmalın, qeyri-leqal miqrasiya cəhdlərinin qarşısının alınması.

Təlimdən əvvəl DSX Çevik Hərəkət Qüvvələrinin bazasında tə­limə cəlb olunan helikopterlərə, pilotsuz uçan aparatlara, komanda-qərargah maşınlarına və xüsusi nəqliyyat vasitələrinə, çevik bölmələ­rin şəxsi heyətinə, DSX Sahil Mühafizəsinin sahil bazasında sərhəd gözətçi gəmilərinə, dənizçi şəxsi heyətə, döyüş texnikasına, xüsusi dalğıc avadanlıqlarına, rabitə ləvazimatlarına, kinoloji bölmələrə sıra baxışları keçirilib, onların təlimə hazırlıq səviyyəsi yoxlanılıb.

Sıra baxışları yekunlaşdırıldıqdan sonra təlimə cəlb olunan sər­həd gözətçi gəmiləri, uçuş vasitələri, digər xüsusi texnika və şəxsi heyət tərəfindən təlim üzrə tapşırıqların icrasına başlanılıb.

Tarix
2018.08.10 / 15:07
Müəllif
Axar.az
Şərhlər
Загрузка...
Digər xəbərlər

DGK sədri gömrük postlarında: Tapşırıq verdi - Foto

Müəllimlərin işə qəbulu ilə bağlı - Məlumat

Heyvan kəsimi üçün ayrılan yerlərin - Siyahısı

Tərtərdə əkin sahəsindən partladıcı tapıldı - Foto

Qəbiristanlıqda çətənə becərən şəxs saxlanıldı - Foto

İranda 6 nəfər edam edildi

Gömrükçülər çoxlu qanunsuz dərman aşkarladı

Tovuzdan Kiyevə qardaşını görməyə getdi, ikisi də öldü

Əli Əhmədov Türkiyəyə getdi

İstirahət günü hava necə olacaq?

KULT
<>
Xəbər xətti
 
  
  
  
Axar.az'da reklam Bağla
Reklam
Bize yazin Bağla