Millət vəkili Qənirə Paşayeva Macarıstanda keçirilən Turan Qurultayı çərçivəsində İraq, Krım, Tatarıstan və Noqay türklərinin təmsilçiləri, tanınmış sənət adamları ilə görüş keçirib.

Axar.az xəbər verir ki, deputat görüşdə türk dünyasının güclənməsində aydın, şair, yazar və sənət adamlarının üzərinə böyük vəzifə düşdüyünü vurğulayıb.

Q.Paşayeva görüş zamanı Azərbaycanın və türk dünyasının ən böyük problemlərindən olan Dağlıq Qarabağ məsələsindən, Ermənistanın Azərbaycan torpaqlarının 20 faizini işğal altında saxlamasından da danışıb.

Millət vəkili türk dünyasına səslənərək, onları Qarabağ həqiqətlərinin yayılmasında daha fəal olmağa çağırıb.